Pálína Ásbjörnsdóttir

7.7.2008 | 21:03

Komin á moggabloggið

Þá er mín mætt á svæðið, ákvað að færa mig af öðrum bloggmiðli, aðallega af þvi að enginn virtist nenna að skoða mig þar:) Nei raunin er sú að mér sýnist þetta vera flottari bloggmiðill.

Ég hef gaman af að lesa annarra blogg, af öllu tagi og þarf auðvitað líka að fá pláss fyrir mig og mínar skoðanir. Reyndar ef ég fer að blogga um uppvaskið mitt eða köttinn minn þá vinsamlegast hnippið í mig, en það eru talsvert miklar líkur á að ég detti í þann gírinn.

Í dag hefur mér nú verið efst í huga málflutningur sjálfstæðismanna í máli fjölskyldunnar frá Kenýa, og svei attan, ég hreinlega froðufelldi þegar ég heyrði málflutning Sigurðar Kára í Kastljósi í kvöld, ég blánaði af skömm, fékk nettan aulahroll, og sá atkvæðaseðil minn í næstu kosningum fljúga mér fyrir hugskotum. Sá seðill verður handfjatlaður eftir ítarlega skoðun á starfi bláa flokksins á næstu misserum, og ólíkt áður, þá reynir maður að setja í minniskubbinn í headstykkinu aðgerðir þeirra á næstunni. Þá er ég ekki viss um að xað verði við D.

En hlakka til að vera með hér....

Flokkur: Bloggar | Facebook