Fallegt veður

Er hér í Borgarfirði, bara stillt og allt hvítt.  Verður kósý í kvöld þegar kveikt verður á kertum og rólegheitin leggjast yfir, krakkarnir fóru í bæinn, svo það er bara ég og kattarkvikindið á bænum.  Tilltekt var gerð í kotinu, og þegar maður býr í koti, er þetta eldsnögg aðgerð, hviss bang búmm, allt orðið skínandi hreint eins og í ajax auglýsingu.

Ekkert svosem að frétta, nema það sem var í fréttum í dag.....með gjaldeyrissjóðinn, vonandi að það séu góðar fréttir, ég fylltist nú bara bjartsýni og þor, þegar ég fylgdist með blaðamannafundi, en maður er eins og köttur sem hefur brennt sig, treystir nú ekki alveg því sem maður hefur fyrir framan sig.   En ætli maður splæsi ekki á sig sunnudagsmogganum núna, mér skilst að Bjöggi eldri útrásarmaður verði þar í væntanlega lúxus viðtali...., verður fróðlegt að svala forvitni sinni á því tölublaði og skei.....sér svo með því.   Best að fara í að dúlla sér í kvöldmatargerð, ætli það verði ekki túnfisksamloka bara...........

Athugasemdir

[Lilja Ö. (IP-tala skráð) 25.10.2008 kl. 22:59]

Hæ pæ.

Takk fyrir okkur í dag, virkilega gaman að sækja þig heim :) Gangi lærdómurinn vel og vonandi ertu endurnærð eftir helgina.

Kveðja, LIlja Ö.