Hugsandi yfir.....

Erfiðum málum.  Ég hef áður bloggað um pabbahelgar og dásamað þær, en þegar slettist uppá vinskapinn við þennan ands....fyrrverandi, þá er ég ekki eins tilbúin að dásama þær.  Þegar fullorðið fólk sem á börn saman fer að rífast um peningahliðina, þá er fjandinn laus.   Og fjandinn varð laus um helgina.   Ég er að reyna að tala mig til og segja sjálfri mér að bakka, en einhvernveginn þegar réttlætiskennd minni er misboðið á ég verulega bágt með það að bakka.  En hvað á maður að gera.....?  Á ég að lúffa í málefni sem misbýður mér óskaplega eða halda mínu til streitu og gefa þá út ávísun á rosalegt vesen og leiðindi sem pottþétt lendir mest niðri á börnunum.....? 

Um leið og ég skrifa þetta þá er það augljóst, að lúffa er líklega það sama að "sá vægir sem vitið hefur meira" .  Líklega þarf ég að láta renna af mér reiðinni, ( og fá timburmennina ) og fara þá að hugsa skýrt.  En HRIKALEGA er þetta leiðinlegt að standa í stappi við fyrrverandi fávita...afsakið orðbragðið en ég ætla að kjamsa á  því orði um einhverja stund.   Vonandi fjarar það út og ég get hugsað um fyrrverandi sem, "æji greyið guð gaf honum ekki meira....."  eða jafnvel eitthvað betra en i dag kemst ég ekki lengra en þetta með hann.

Annars var ég í enskuframsögn, vann verkefni með annarri, og við erum hæstánægðar, okkur gekk vel og vorum virkilega ánægðar með okkur bara:)    Enda lögðum við vel í það, og undirbjuggum okkur mjög vel, og það skilaði sér !   Alveg búnar að fatta það, að góður undirbúningur er náttlega lykilatriði...   Svo takk, ég klappa mér bara á bakið sjálf, þegar ég á það skilið:)

Athugasemdir

[Voff voff (IP-tala skráð) 27.10.2008 kl. 21:02]

Við karlanir eru svoooooooooooooooooooo ófullkomnir og ekki samboðnir ykkur enda skapaðir á undan ykkur sem frumgerðin sem greinilega heppnaðist ekki betur en þetta

[Lilja Ö. (IP-tala skráð) 27.10.2008 kl. 22:39]

Hæ hó.

Já það er ekki gaman að standa í svona stappi!!!! Ég var ágætlega fegin að þurfa ekki að standa í svona með minn gaur þegar hann var lítill og við bara tvö....en hann átti þá heldur engann pabba og það var ekkert endilega gott fyrir hann heldur. Viltu vit eða réttlæti??? Erfið spurning :)

Gangi þér vel í stappinu og náminu!!!

Kv. Lilja Ö.